Triángulo de ixil 200 x 200 cm Acrílico sobre lienzo

 

UB'OQOCH JA CHO ULEW

MARTIROLOGIO

Ch'anal tew. Rex lab'aj. Xib'inaqil.

Ulew re kaminaqib'.

Oq'ej ujalum b'isonik re kaq'iq'.

Ri kamisanik man ke' kanajta pa ri q'eq'umal.

Ri saqil ku lik' ri ucholaj pa saq.

Xqil ri k'ex pa ri unik'ajil re ri Ok'al Juwinaq junab'.

Martirologio: yaon tzij ruk' ri xk'ulmatajik.

Jolomaj tel ki b'oqoch je ka kil chi ki pam,

kakil chi kij, chi ri iwir xok'owik.

B'aqil re q'ab'aj ri xki yakan ri chak pa nik'aj.

Aqanaj ri man xki k'ista ub'inib'ixik ri ki b'e.

Wa jujun tz'ajab'al are jun oq'ej.

Chila xe kanaj kan wi ri kaminaq.

Saqper kotz'ij.

Kaminak e ch'aqataq.

Ch'aqataq taq b'isonik.

Pichinoq tze'nik.

Xa injub'iq ke'tzan ri saqil pa ri tz'ajab'al, jujun

ub'oqoch ja ku k'ut cho ri ulew ri xib'inaqil.

Ri k'exk'ol, ri ch'eyanik.

Martirologio: sipanik re ri a Rudy Cotton

che wa raqrob'inaq wuj re ri xk'ulmatajik.

Che wa jun wuj wa' ri ka kanaj teb'a

chi ki wech re ri ke k'oji na.

Tewal ch'analik!

Kamikal.

Jachin ka kwinik ku chap utzam

ri jun mayinik ri ku b'ij wa jun tzij wa?

Ku ya kan utukel ri uk'ux jun

ruk' ri jun chaqijal ri man ka q'i taj.

MARTIROLOGIO are ri ajtz'ajonel ku nuk' rib'

ruk' ri xok'owik ri ku na'tisaj.

Chi' man k'ota ajilib'al tzij, xwi wechib'al.

Ri tz'aj k'exk'ol wa…

Humberto Ak'abal


Moral I 100 x 80 cm Técnica mixta

 

 

 

 

 


Premonición 150 x 150 cm Acrílico sobre lienzo

 

 

 

 


Indiferencia 40 x 70 cm Técnica mixta